Стотици фанови се приклучија на семејството и пријателите на починатиот диџеј Авичи во одржувањето на поменот во негова чест во Стокхолм.
Емотивниот помен за познатиот електро-хаус диџеј чие вистинско име беше Тим Берглинг, се одржа во црквата Хедвиг Елеонора во Стокхолм.
Службата ја отвори татко му Клас Берглинг, а потоа хор го изведе најголемиот хит на Авичи „Wake Me Up“.
Авичи постигна светска слава со синглот „Levels“ во 2011 година. Диџејот се самоуби на 20 април годинава.
Политички контроверзи го одбележаа доделувањето на наградите Златен коњ кои се сметаат за пандан на Оскарите во Кина.
На 55-тото доделување на наградите што се одржа во главниот град на Тајван, Тајпеј, режисерката на документарецот што ја освои главната награда во нејзиниот говор рече дека се надева дека наскоро ќе биде признаена независноста на Тајван.
Коментарот на режисерката Фу Је наиде на остри реакции од актерските ѕвезди од континентална Кина, а свое мислење даде и претседателот на Тајван.
Статусот на Тајван е чувствителна тема. Островот има свое државно уредување од 1949 година, но Кина го смета за отцепена провинција што еден ден ќе се обедини со останатата територија.
Фу, чиј документрец „Our Youth in Taiwan“ е за движењето Сончоглед во 2014 година, рече: „Се надевам дека нашата земја еден ден ќе биде признаена и третирана како навистина независен ентитет. Тоа е мојата најголема желба како Тајванка“.
Ту Мен, претходен добитник на наградата за најдобар актер, дополнително ја вжешти ситуацијата кога рече дека е почестен што доделува награда во „Кина, Тајван“, фраза на која се противат многу Тајванци.
Следниот ден се огласи тајванскиот претседател Цаи Инг-вен кој рече дека Тајван никогаш не ја прифатил фразата „Кина, Тајван“ и никогаш нема, бидејќи „Тајван е Тајван“.
Ни останува само уште еден месец до премиерата на „Aquaman“, новиот филм на DC Comics. Кралот на океанот е подготвен за борба против злото, а Џејсон Момоа (барем во трејлерите) изгледа како совршен за улогата.
Во „Aquaman“ покрај Момоа се појавуваат уште и Амбер Херд, Патрик Вилсон и Долф Ландгрен а актерската екипа се заокружува со Оскаровката Никол Кидман.
Премиерата на филмот е закажана за 21 декември.
Повеќе од 25 години светот се забавува со музиката и ликот на Снуп Дог, а тој нема намера никогаш да застане. Како еден од најславните живи личности, Снуп вчера беше почестен со негова ѕвезда на Холивудската патека на славните.
Покрај многуте награди, признанија и достигнувања во кариерата, Снуп Дог од вчера може да се пофали и со фактот дека е сопственик на 2.651-та ѕвезда на Патеката на славните.
Иако ја започна кариерата како рапер, денес Снуп Дог е попопуларен од било кога и истовремено е активен на многу полиња одеднаш. Светски признатиот бр.1 активист за легализација на марихуаната во последните неколку години стана водител, актер и готвач, а неговото влијание на светската сцена не остана без признание.
„Сакам да се заблагодарам на себеси затоа што верував во себе. Сакам да се заблагодарам на себеси за тешката работа. Сакам да се заблагодарам на себеси за тоа што не земав слободни денови. Сакам да се заблагодарам на себеси бидејќи никогаш не се откажав“, рече Снуп Дог во говорот на церемонијата.
Говорот за благодарноста кон самиот себе дојде откако Снуп Дог им се заблагодари на музичкиот продуцент Куинси Џонс, неговите соработници и секако, на фановите. Покрај Куинси Џонс, на церемонијата беа присутни уште и раперот Др. Дре и водителот Џими Кимел.
Млад брачен пар купува куќа од соништата, но човекот од кого ќе ја купат продолжува да биде опседнат со неа. Тој станува нивниот најлош кошмар.
Откако ќе го погледнете трејлерот ќе заклучите дека не би сакале да купите куќа од Денис Квејд, под никакви услови. Актерот толкува улога на психопат кој ги тероризира купувачите на неговата поранешна куќа. Филмот е во режија на Дион Тејлор, а во главните улоги, покрај Квејд, се јавуваат Меган Гуд, Мајкл Ејли и Џозеф Сикор. Премиерата е закажана за 26 април.
Њујоршкото обвинителство не сака да го отфрли предметот против холивудскиот продуцент Харви Вајнстин, иако еден од случаите во обвинението за сексуален напад против него неодамна беше отфрлен поради „советување на сведок“.
Против Вајнстин првично беше покренато обвинение за сексуално злоставување на три жени, но еден од петте случаи беше отфрлен откако обвинителите дојдоа до заклучок дека еден од детективите ја посоветувал жената да исклучи секакво сомнение во врска со тоа дали на средбата со Вајнстин и двајцата дале согласност, објави Associated Press.
Адвокатите на Вајнстин сметаат дека целиот предмет против него е „подмачкан“ со погрешни постапки на полицијата и дека целосно треба да биде отфрлен.
Кој од случаите „извиси“?
Обвинителството во Менхетн вчера соопшти дека случајот против Вајнстин е уште солиден и дека неговите адвокати се ободуваат да направат „јавен циркус“ со барања за сослушувања за да се отфрлат сите обвиненија.
Адвокатот на одбраната Бен Брафман побара од судијата да го отфрли обвинението против посрамениот холивудски могул по срамното признание од Обвинителството што доведе до отфрлање на обвинението од поранешната актерка Луција Еванс.
Адвокатите на одбраната велат дека обвиненијата против Вајнстин – од кои едното од асистентката на продукција Мими Хали и една анонимна жртва – исто така се компромитирани со погрешните постапки во водењето на случајот на Еванс.
Меѓутоа Кевин Вилсон од Обвинителството вчера соопшти дека: „Единствената причина зошто обвинетиот бара сослушувања е за да направи ‘јавен циркус’ што ќе оди во прилог на ПР кампањата што обвинетиот ја води од почетокот на предметот.“
Обвинителството вели дека недоследноста во приказната на Еванс и обвиненијата дека поранешниот главен детектив на случајот Николас Дигаудио „советувал сведок да задржи информации“ не го компромитира остатокот од предметот.
„Останатите обвиненија се поддржани со компетентни и доволни докази“, рече Вилсон.
Откако беше поднесено обвинението, Обвинителството дозна дека Еванс, која го обвини Вајнстин дека ја принудил на орален секс во 2004 година, наводно ѝ рекла на пријателка дека таа се согласила на тоа за да ѝ договори актерски ангажман.
Обвинителството ѝ рече на одбраната дека пријателката рекла дека таа го пријавила тоа кај Дигаудио, но тој ѝ вршел притисок да не излегува јавно со обвинението.
Дигаудио рече дека ѝ кажал на обвинителката Џоен Илуци-Орбон за изјавата на пријателката пред сведок, но таа го негира тоа.
Ова само ја нагласи нарушената врска меѓу Њујоршката полиција и Јавното обвинителство во врска со случајот што почна да се распаѓа.
Во октомври, обинителите се согласија да биде отфрлено обвинението на Еванс што се сметаше за најсилниот дел од предметот. Се очекува судијата Џејмс Бурк да донесе одлука за целосно отфрлање на обвинението против Вајнстин во наредните неколку месеци.
Вистинското уживање додека возите не е целосно без соодветна музика, а има малку работи што може да се споредат со добар автомобил и добра музика.
Сите имаме омилена песна и омилен музичар, но според едно најново истражување, не е секоја музика препорачлива за возење, од безбедносни причини.
Истражувањето покажа дека одредени песни „ги тераат“ возачите да возат поопасно - поточно, песните со повеќе од 120 бита во минута имаат негативно влијание што предизвикува побрзо возење, а со тоа и повеќе сообраќајни прекршоци и несреќи.
„Ако почувствувате дека сте деконцентрирани поради песна на радио или на вашата плејлиста, сменете ја станицата, односно плејлистата“, вели Тим Шварц, маркетинг директор на Moneybar, британска кредитна и лизинг компанија за автомобили.
Moneybarn анализираше 96 најпопуларни песни на дигиталниот музички сервис Spotify и состави ранг листи на најопасни и најбезбедни песни за возење.
Интересно е што помалку од 30% од најпопуларните песни добиле препорака дека се безбедни за возење. Moneybarn преку анализи утврди дека не се само темпото и енергијата на песната „опасни“ кога возите, туку и како „вревата“ на песната влијае на вашите реакции и на брзината на отчукување на срцето.
„Навистина е интересно што нешто толку невино како бирање музика за патување може да претставува опасност по вашата безбедност“, заклучува Шварц.
Пет најопасни песни за возење
1. American Idiot – Green Day
2. Party in the U.S.A – Miley Cyrus
3. Mr. Brightside – The Killers
4. Don’t Let Me Down – The Chainsmokers
5. Born to Run – Bruce Springsteen
Пет најбезбедни песни за возење
1. Stairway to Heaven – Led Zeppelin
2. Under the Bridge – Red Hot Chili Peppers
3. God’s Plan - Drake
4. Africa – Toto
5. Location – Khalid
Во чест на премиерата на „Creed 2“, Screen Junkies објави брутално искрен трејлер за филмот „Rocky IV“ од 1985 година. Искрениот трејлер се враќа назад во времето кога Роки Балбоа го порази комунизмот преку бокс.
Иван Драго изговара 46 збора во целиот филм, во вид на кратки реченици како „I must break you. You will lose“ и слични на нив. Интересно е што никој не слушнал за Русинот пред Роки да боксува со него, и покрај фактот дека е олимписки шампион и победник на аматерско првенство во бокс. Но, тоа не е сè.
Водителот на подкастот „Origin“ Џејмс Ендру Милер откри дека видел една од првичните верзии на сценариото за третото продолжение на филмот „Sex and the City“ според кое ликот на Ѕверка (Крис Нот) умира од срцев удар.
Во планираното продолжение на филмот работен по истоимената серија, ќе беше опишано како ликот на Кери Бредшо, која ја играше Сара Џесика Паркер, се соочува со големата загуба.
Според CNN, развивањето на ваквата приказна би било шок за обожавателите на популарната франшиза, но идејата сепак не е неверојатна, ако се потсетиме дека во шестата сезона од ТВ-серијата Ѕверка прави операција на срцето.
Наводно, токму тоа била причината зошто Ким Катрал, која го отелотвори ликот на Саманта Џоунс, одбила да биде дел од третиот филм.
Последниот дел на „Sex and the City“ се прикажуваше во кината во 2010 година и заработи речиси 300 милиони долари.
Емет, Вајлдстајл и останатите од Lego Movie дружината се сретнуваат со нови светови и ликови во трејлерот и постерите за „The Lego Movie 2: The Second Part“.
Премиерата е закажана за 8 февруари 2019 година.
Гласовите ги позајмуваат Крис Прат како Емет, Елизабет Бенкс како Луси, Вил Арнет како Бетмен, Алисон Бри како Ултракејти (претходно позната како Принцес Уникити) и други.
„Creed“ е навистина добар филм, но тоа не значи дека нема „грешки“. Пред да ја погледнете премиерата на вториот дел, дознајте колку грешки пронајде Cinema Sins во првиот дел.
Американскиот рапер Даниел Хернандез кој настапува под уметничкото име Tekashi 6ix9ine најверојатно ќе добие затворска казна од најмалку 32 години по обвиненијата за рекетирање, вооружен грабеж и уште неколку други прекршоци. Му се заканува и доживотна казна затвор.
Раперот беше уапсен доцна вечерта во неделата и се товари за повеќе од три тешки кривични дела. Тој исто така е член на злогласената банда The Bloods.
Неговите четворица соучесници исто така се товарат за тешки кривични дела, меѓу кои за нелегална продажба на хероин, екстази и марихуана. Обвиненијата се резултат на петгодишна истрага.
6ix9ine неодамна го отпушти неговиот тим најблиски луѓе, обвинувајќи ги дека краделе од него.
Судењето е во тек и се очекува наскоро да има пресуда.
Неповторливиот автор и издавач кој стои зад стриповската машинерија Marvel, Стен Ли, почина на 12 ноември на 95-годишна возраст. Тој стоеше зад култни стриповски и филмски франшизи како „Spider-Man“, „The X-Men“, „Thor“, „Iron Man“ и многу, многу други.
Неговиот лик и дело ќе го паметат сите генерации кои тој успеал да ги допре со неговиот гениј. Како реагираат луѓе на различни возрасти на сите негови потфати видете во видеото.
Пери годинава заработила 83 милиони долари, од кои 20 милиони за своето учество во жирито на емисијата „Американски идол“, како и нешто над милион долари за секој настап.
На второто место на листата се најде Тејлор Свифт со заработка од 80 милиони долари, најмногу поради албумот „Reputation“.
Трета е Бијонсе, со заработени 60 милиони долари, четврта – Пинк, со 52 милиони, а петта е Лејди Гага, која со својот филм „Ѕвездата е родена“, но и поради договорите со Версаче и МАК, на својата сметка има 50 милиони долари повеќе.
Натаму следат Џенифер Лопез (47 милиони долари), Ријана, ѕвездата од филмот „Осумтемина на Оушн“ (37 милиони долари), Хелена Фишер (32 милиони долари)… Селин Дион, која за настап во Лас Вегас наплаќа 500.000 долари, а за патување до Европа наплаќа двојно – еден милион, годинава заработила 31 милион долари и се најде на деветтото место.
На последното десетто место е Бритни Спирс со заработка од 30 милиони долари.
Биографскиот филм за комичарското дуо составено од Стен Лорел и Оливер Харди премиерно ќе биде прикажано во светските киносали веќе во првиот месец од наредната година. Популарните Лорел и Харди во Македонија беа познати како Станлио и Олио, а врвот на славата го достигнаа во текот на 40-те и 50-те години од минатиот век.
Американецот Оливер Харди и Британецот Стен Лорел почнаа да работат заедно кон крајот на 1920-те години од минатиот век, а нивната соработка траеше до 1956 година, кога дуото престана да снима скечеви и филмови.
Главните улоги во филмот ги имаат Стив Куган и Џон Ц. Рајли, а нив им се приклучуваат уште и Ширли Хендерсон и Нина Арианда.
Хју Џекмен го има играно ликот на Вулверин во низа филмови во текот на 18 години.
50-годишниот актер вети дека неговиот легендарен лик ќе се врати на големото платно, во интервју за емисијата „Sunday Today“.
Џекмен сепак рече дека нема да работи со „упорниот“ Рајан Рејнолдс на филм што ќе ги спои неговиот Вулверин и Дедпул на Рејнолдс.
Уверен во камбекот на Вулверин, Џекмен рече: „Ох, Вулверин ќе се врати. Некој ќе го купи, не знам.“
Џекман прв пат ги стави остриците на Вулверин кога ја доби улогата во франшизата „The X Men“ во 2000 година, што му ја промени кариерата засекогаш.
Филмот „Logan“ што имаше премиера во 2017 година, ги заокружи сите неодговорени прашања во приказната за Вулверин за неговите верни обожаватели.
Можеби ви звучи неверојатно, но поминаа цели 10 години од премиерата на првиот филм од вампирската романса „Twilight“.
Популарниот филм во режија на Кетрин Хардвик, базирана на исто така популарните романи за млади на Стефани Мејер, ги лансираше кариерите на ѕвездите од актерската екипа: Кирстен Стјуарт, Роберт Патинсон, Елизабет Рисер, Ана Кендрик...
Како изгледаа во филмот пред 10 години, а како изгледаат денес, погледнете во галеријата.
Долго најавуваниот римејк на еден од најпознатите анимирани филмови на сите времиња – „The Lion King“ од 1994 – конечно доби прв трејлер. Во него можете подобро да се запознаете со Симба и опкружувањето во кралството кое еден ден треба да му припадне нему.
„The Lion King“ е само уште еден во низата римејк-филмови на анимираните филмови на Disney. На режисерското столче се наоѓа Џон Фавро, најпознат по филмот „Iron Man“, а во главните улоги се појавуваат огромен број актерски и музички ѕвезди, како Доналд Гловер (Симба), Бијонсе (Нала), Џејмс Ерл Џонс (Муфаса) и Џон Оливер (Зазу).
Премиерата е закажана за 19 јули 2019 година.
Синоќа излезе првиот официјален трејлер за римејкот на „The Lion King“ а социјалните мрежи во последните 12 часа се преполни со позитивни реакции. Вистинските фанови веднаш ја забележаа поврзаноста на новиот трејлер со сцените од анимираниот филм и тоа ги направи уште посреќни.
Неполн ден откако излезе првиот трејлер, веќе излегоа видео споредбите помеѓу него и оригиналниот филм, кои покажуваат колку режисерот Џон Фавро навистина се потрудил сцените да изгледаат автентично.
Овој римејк е уште еден во низата преработки на класичните анимирани филмови на Disney, меѓу кои спаѓаат „Cinderella“, „The Jungle Book“, „Beauty and the Beast“ и уште неколку други.
Посебно импресивна е актерската екипа која е дел од „The Lion King“ – Џејмс Ерл Џонс се враќа во улогата на Муфаса, но покрај него се уште Доналд Гловер (Симба), Бијонсе (Нала), Чиветел Еџиофор (Скар), Сет Роген (Пумба) и Џон Оливер (Зазу).
Пред да го погледнеме најновиот филм за Робин Худ може да се потсетиме на филмот „Robin Hood: Prince of Thieves“ од 1991 година, со Кевин Костнер во главната улога.
Cinema Sins во најновото видео од серијалот „Сè што е погрешно со“ ги пронајде грешките токму на овој класик, вкупно 123.
